RWANDA YAJIUNGA NA BARAZA LA USALAMA UN

 

Rwanda imechaguliwa kuwa mwanachama wa baraza la usalama la Umoja wa Mataifa kwa miaka miwili ijayoKura hiyo inakuja siku moja baada ya ripoti ya Umoja wa mataifa kufichuliwa ikisema kuwa nchi hiyo inaunga mkono waasi katika Jamuhuri ya Kidemokrasia ya Congo

Nchi zitakazoshikilia nafasi tano zisizo za kudumu katika baraza hilo lenye wanachama kumi na tano, ziliamuliwa na umoja wa mataifa jana.Argentina, Australia, Korea Kusini na Luxembourg pia wameteuliwa kuketi kwenye baraza hilo.Kulingana na ripoti hiyo ya wataalamu wa baraza la usalama la umoja wa mataifa na ambayo ilifichuliwa na shirika la habari la Reuters, waziri wa ulinzi wa Rwanda anaongoza kw akutoa amri kwa waasi wa M23 wanaoendeleza uasi Mashariki mwa DRC tangu mwezi Aprili.Wataalamu pia walishutumu Uganda kwa kuunga mkono waasi.Rwanda na Uganda, zimekanusha madai hayo.

SHEIKH ISSA PONDA NA WENZAKE 49 WABURUZWA KORTINI

Katibu wa Jumuiya na Taasisi za Kiislam nchini, Sheikh Issa Ponda akiwa katika Hakimu Mkazi Kisutu jijini Dar es Salaam alipofika kusomewa makosa mbali mbali yakiwemo ya uchochezi wa kidini.

Ponda na wenzake walipandishwa kizimbani katika Mahakama ya Hakimu Mkazi Kisutu  kujibu mashtaka mbalimbali ikiwa ni pamoja na kuwashawishi baadhi ya Waislamu kuvamia  Kiwanja katika eneo la Chang'ombe jijini Dar es Salaam, kuwashawishi Waislamu kutojitokeza katika zoezi la Uandikishaji katika Sensa ya Watu na Makazi.

RAIS KIKWETE AWEKA JIWE LA MSINGI KUZINDUA UJENZI WA JENGO LA UBALOZI WA TANZANIA NCHINI OMAN

Rais Dkt.Jakaya Mrisho Kikwete akiweka jiwe la msingi kuashiria kuanza rasmi ujenzi wa jengo la ubalozi wa Tanzania  nchini Oman katika mtaa wa balozi jijini Muscat Oman .Kushoto ni Waziri wa Mambo ya Nje na Ushirikiano wa Kimataifa Bernard Membe, (watatu kushoto) ni Balozi wa Tanzania nchini Oman, Ali Ahmed Saleh na (kulia) ni Afisa Mwandamizi Ubalozi wa Tanzania nchini Oman,  Bwana Abdallah Kilima.

Rais Dkt. Jakaya Mrisho Kikwete akizindua ujenzi wa jengo la ubalozi wa Tanzania nchini Oman .Kushoto ni Waziri wa Mambo ya Nje na Ushirikiano wa kimataifa Bernard Membe,watatu kushoto ni  Balozi wa Tanzania nchini Oman, Bw. Ali Ahmed Saleh, (wanne kulia aliyeshika karai) ni Afisa Mwandamizi wa Ubalozi wa Tanzania nchini Oman, Bw. Abdallah Kilima na (kulia anayeshuhudia) ni  Afisa katika Ubalozi huo, Bw. Saidi Mussa.

HUU MCHEZO NAUPENDA BURE BUREEEEE

WYCLIFE JEAN AADHIMISHA BIRTHDAY YAKE KIMTINDO

Haya sasa raha jipe mwenyewe! Namna ya kusherehekea ni wewe utakaye amua namna utakavyoa adhimisha tukio flani maishani mwako. Kwenye burudani ndo drama zaidi kiukweli! Wao wana swagger zao za hatari na hua kama wamekatika mshipa wa aibu hivi! Pindi wanapoamua kufanya mambo yao!

Uwe mtoto wa mchungaji, au wa yeyote, wakiamua wameamua na hakuna wa kuzuia hilo! Na naamini wao pia wanaamini ndo njia ya kuwashika mashabiki wao, mfano hai ni Lady Gaga,Madonna na wengineo wan je, na wengi huingia kwenye shows zao wakitarajia kimbwanga kipya kutokea! Hii ni biashara ya burudani na safari hii ni mwimbaji Wyclef Jean, yeye ameamua kutupia picha yake katika ukurasa wake wa Twitter,akionekana amejipaka mafuta ya watoto  baby oil  na amesimama juu Ya pikipiki akiwa na kiwinda tu

Kwenye ukurasa huo wa twitte aliandika kinachosomeka 'TODAY I AM 43 YEARS OLD! I look And feel 26! U cant keep ‡ good Man down! Keep ‡ smile when they want you to frown!' maneno ya Wyclef ambayo sikutaka kuyazimua! Nimekupa makavu kama yalivyo.Wyclef alikua ni mmoja kati ya wanamuziki walokua wanaunda kundi la  The Fugees  lililovunjika mnamo mwaka 1997,na kuamua kufanya kazi zake kivyake!.

Albam yake mpya ilikua itoke mnamo mwaka wa jana 2011 lakini bado ameiminya kwasababu zake , pengine imesababishwa nay eye alipojaribu kuwania nafasi ya juu ya uongozi kama Rais huko Haiti mnamo mwaka 2010 ingawa hakushinda katika uchaguzi huo.

MAZIKO YA KAMANDA LIBERATUS MARLOW

mkuu wa jeshi la polisi saidi mwema akiwasili kwenye maziko  ya kamanda liberatus barlow,kijijini kwa marehemu kilema kyou,wilaya ya moshi vijijini,mkoa wa kilimanjaro

Naibu waziri wa mambo ya ndani ya nchi Pereira Silima, akiwasili mazikoni ,kilema kyou,wilaya ya moshi vijijini,mkoa wa kilimanjaro.

jeneza lililokua na mwili wa aliyekua kamanda wa polisi mkoa wa mwanza,liberatus barlow.

 

mkuu wa jeshi la polisi nchini inspector jenerali saidi mwema,akitoa heshima zake za mwisho.

UNAKUMBUKA VITABU HIVI VYA SHULE?

    

Kitabu hiki ni baadhi ya vitabu vya jifunze Kiswahili Fasaha ambavyo vimesaidia sana mashuleni wanafunzi kujifunza kiswahili fasaha. Unakumbuka vitabu vingapi?? 

Mie nakumbuka hicho juu cha Paulo na hivi hapa (titles)
1) Fikiri na Sadiki
2) Kibanga ampiga mkoloni
3) Bulicheka na nduguze
4) Twende tukawinde Ngedere

Wewe unakumbuka vingapi pamoja na hadithi zake? je vitabu vipi vya mashairi unavyokumbuka? Tukumbusheni jamani. LOL.....

Iwapo kuna mtu anajua wapi nitaweza kupata na kununua vitabu hivi na vinginevyo vya kiswahili naomba aniambie nahitaji ajili ya kufundishia watoto wangu. Pia vitabu vya mashairi ya Kiswahili