MTIZAME SIR ARSENE WENGER

Ni miaka nane sasa imepita tangu le proffeseur arsene wenger alipokiongoza kikosi cha washika bunduki wa the emirates arsenal the gunners kutwaa ubingwa wa aina yoyote ile .

ni miaka nane ambayo mashabiki wa arsenal wamevumilia mengi , miaka nane ambayo timu kama man united , chelsea , manchester city , liverpool , swansea na hata wigan zimetwaa walau kombe moja huku arsenal wakibakia wakiwa wa mafanikio.

mapema wakati dirisha la usajili lilipofunguliwa arsenal ilihusishwa na usajili wawachezaji nyota kadhaa wakiwemo stevan jovetic , marouane fellaini , wayne rooney , gonzalo higuain na hivi karibuni luis suarez .

Gonzalo higuain alikaribia kabisa kujiunga na arsenal baada ya kufikia makubaliano binafsi kimsingi kabla napoli hajawafika na kuharibu mpango wote na kuwaacha the gunners wakishikwa na butwaa .

Hivi karibuni tetesi zimehamia kwa mshambuliaji wa kimataifa wa uruguay luis suarez ambaye arsenal wamepeleka ofa mbili za kumsajili ya kwanza ikiwa paundi milioni 35 ya pili  ikiwa ya paundi milioni 41 zote mbili zikikataliwa na liverpool ambao wiki hii wamesema kuwa timu itakayomtaka suarez ilipe paundi milioni 55 .

Siku chache zilizopita arsenal pia walikuwa wakifuatilia suala la wayne rooney kwa ukaribu na mzee wenger kwa kauli yake alisema kuwa kwa arsenal ina uwezo wa kumsajili mchezaji huyo na hata kuondokana na urasimu wa sera za klabu za mishahara ya daraja la kati na kumlipa rooney mshahara ambao utavunja rekodi ya klabu hiyo.

Kwa mujibu wa makadirio ya jarida la forbes linalofanya utafiti wa masuala ya kifedha kwa makampuni na wafanyabiashara mbalimbali duniani arsenal ni klabu ya nne kwa utajiri barani ulaya nyuma ya real  madrid , manchester united  na fc barcelona .

kama fedha iko kwanini arsenal ishindwe kutwaa mataji ? hilo ni swali gumu , ukiangalia aina ya wachezaji ambao arsenal imehusishwa na kuwasajili unapata maswali mengi kuliko majibu . jovetic , suarez , rooney  na higuain wote ni washambuliaji , tofauti pekee ilikuwa kwa fellaini ambaye ni kiungo mwenye nguvu .

Msimamo wa ligi kwa msimu uliopita ambapo arsenal ilishika nafasi ya nne unaonyesha kuwa kufunga mabao halikuwa tatizo la msingi lililoitatiza arsenal , lukas podolski , olivier giroud na theo walcott na hata viungo kina santi cazorla na mikael arteta wameonyesha uwezo mkubwa wa kufunga mabao na timu ilikuwa na wastani wa kufunga angalau mabao mawili kila mechi , tatizo la arsenal haliko kwenye safu ya ushambuliaji bali safu ya ulinzi , kwa maoni ya wachambuzi wengi arsenal inahitaji beki shupavu kama ashley williams golikipa mwenye uwezo wa kutegemewa na timu kama asmir begovic au julio caesar na kiungo mwenye mbavu nene ambaye atasaidia 

Kukatisha mashambulizi ya timu pinzani na kuanzisha pasi fupi kwa kina cazorla na jack wilshere wakafanye mambo yao kwenye kumi na nane ya mpinzani .

msimu wa kabla ya msimu uliopita arsenal ilikuwa na mchezaji ambaye alishika nafasi ya kwanza kwenye chati ya ufungaji kwenye epl , robin van persie , mabao yake yake 30 ambayo alifunga kwenye timu iliyomaliza nafasi ya nne yanaonyesha picha halisi ya kinachozungumzwa hapa ,

Ukweli wa mambo ni kwamba arsenal imepoteza utamaduni wa ushindi uliokuwepo enzi za kina tony adams na martin keown , klabu hii inahitaji wachezaji wenye njaa na hamu ya mafanikio kiasi cha kuwaongoza wenzao kufikia kutwaa taji walau moja , kiukweli miaka nane ni mingi sana kwa klabu ya nne kwa utajiri ulaya na duniani kwa ujumla .

Mashabiki wa arsenal wanaweza kununa na kukerwa kwa klabu hiyo kumkosa gonzalo higuain labda na luis suarez lakini kwa watu wanaotazama mchezo kwa jicho la tatu arsenal wala haiwahitaji wachezaji hawa kiufundi arsenal inahitaji viongozi , watu wenye njaa , watu ambao hawatashangilia kushika nafasi ya nne bali watu watakapambana kufa na kupona kuhakikisha heshima iliyozikwa na vifusi vya maghorofa yaliyojengwa kwenye eneo lililowahi kuitwa uwanja wa highburu ihamie kwenye uwanja mpya wa the emirates .