Rais wa Zamani wa Zambia Akumbwa na Kihoro

 

Rais wa zamani wa Zambia, Kenneth Kaunda 

Rais wa zamani wa Zambia  Kenneth Kaunda jumamosi iliyopita alilazwa hospitalini katika hospitali ya University Teaching Hospital  kutokana na ugonjwa uso julikana ama pengine niseme kihoro na kusababisha ibada ya maziko ya mkewe iahirishwe! Na huo ni uamuzi wa familia yake,

Mke wa Rais huyo wa Zamani wa Zambia bibi Betty alifariki jumatano ya wiki ilokwisha akiwa na umri wa miaka 83 akiwa nchini Zimbabwe ambako alikwenda kumtembelea binti yake. Na maafisa wa serikali wanaeleza chanzo cha kifo chake kwamba alifia usingizini nyumbani kwa binntiye aitwae Musata Kaunda-Banda  katika jiji la Harare eneo la Borrowdale Brooke.

                             Marehemu Bi Betty Kaunda

 

Kufuatia kifo hicho, serikali ya Zambia imetangaza siku 3 za maombolezo ya kitaifa na maziko yake yatakua ya kiserikali na kwamba yangefanyika jana.

Kaunda  mwenyewe alishiriki katika maandalizi ya mazishi yalofanyika mjini Harare kabla ya mwili huo haijasafirishwa kwa ndege kwenda Zambia, ukisindikizwa na maofisa kadhaa  wa chama cha Zanu PF  akiwemo mwenyekiti wa chama hicho Simon Khaya Moyo, msemaji wa ZANU PF Rugare Gumbo, na wanachama wafuatao  Nicholas Goche, Kumbirai Kangai, Oppah Muchinguri na  Victoria Chitepo.

                     Jeneza lenye mwili wa Bi Betty Kaunda

 

Hizi ni salamu za rais wa Africa Kusini  Jacob Zuma  anamuelezea Betty Kaundakwamba alishiriki kikamilifu wakati wa utafutaji uhuru wa Africa Kusini wakati wa ubaguzi wa rangi.

Na ujumbe wake kufuatia kifo hicho anaeleza kua , Betty alikua mpigania haki za wanawake wakati wa ukoloni barani Africa,mchango wake utathaminiwa daima.

Enzi hizo Kenneth Kaunda na bi Betty Kaunda, pole Mzee Kaunda! ile Lesso nyeupe naamini bado imo mikononi mwako itakusaidia kuyafuta machozi yako.