EUSEBIO AFARIKI DUNIA

Bingwa wa zamani katika soka ya Ureno,  Eusebio da Silva Ferreira, amefariki dunia leo akiwa na umri wa miaka 71. Chui Mweusi, kama ulivyokuwa umaarufu wake, alizaliwa nchini Msumbiji na akawa maarufu nchini Ureno, ambako anatambuliwa kama shujaa wa soka.

Katika miaka ya '60 alionekana kama mchezaji pekee bingwa nchini humo kutokana na nguvu zake za kiriadha na uwezo wa kufunga vyema magoli. Aliipatia ushindi timu yake ya taifa ya Ureno katika michuano ya kombe la dunia ya mwaka 1966.

Kocha wa Chelsea ya Uingereza, Jose Mourinho, ambaye naye ni Mreno, amemtaja Euebio kama mchezaji wa milele, ambapo mchezaji nyota wa Real Madrid ya Hispania na nahodha wa timu ya taifa ya Ureno, Cristiano Ronaldo, amesema Eusebio ni shujaa wa siku zote. 

Eusebio ameacha mke anayeitwa Flora, binti wawili, na wajukuu kadhaa