HUDUMA ZARUDI KATIKA HALI YA KAWAIDA KWENYE JKIA

 

Rais Uhuru Kenyatta ameipongeza kampuni ya China kwa kuweza kukarabati bure uwanja wa ndege wa Jomo Kenyatta ndani ya wiki tatu baada ya uwanja huo kukumbwa na ajali ya moto mwanzoni mwa mwezi uliopita.

Kampuni hiyo kutoka China imeweza kujenga kituo kimoja cha muda cha ndege kwa gharama ya dola milioni 1 za kimarekani bila malipo kutoka kwa serikali ya Kenya.

Baada ya kukagua uwanja huo, rais Kenyatta ameeleza kuridhika kwake na huduma kurudi katika hali ya kawaida kwenye uwanja huo, na kutaja kituo hicho cha muda kama "zawadi kwa Wakenya".

Ameongeza kuwa huku uwanja huo ukiendelea kupanuliwa kwa sasa, unatarajiwa kuwa kituo muhimu cha safari kwa bara zima la Afrika.

Uwanja huo wa ndege ambao ni mkubwa zaidi katika Afrika mashariki na kati ulikumbwa na ajali ya moto tarehe 7 mwezi uliopita.