TOKYO KUANDAA MICHEZO YA OLIMPIKI 2020

Japan imeonja ushindi wa kinyang'anyiro cha kuandaa Michezo ya Olimpiki mwaka wa 2020, ikitarajia kuimarika uchumi wake baada ya miongo miwili ya kudorora kutokana na athari za tetemeko la ardhi Tsunami.

 

Rais wa timu za Michezo ya Olimpiki ya Ujerumani na ambaye ni mgombea wa wadhifa wa Urais wa Kamati ya Olimpiki Duniani IOC Thomas Bach.

Rais wa timu za Michezo ya Olimpiki ya Ujerumani na ambaye ni mgombea wa wadhifa wa Urais wa Kamati ya Olimpiki Duniani IOC Thomas Bach, anaelezea sababu zilizochangia kuchaguliwa mji wa Tokyo kama mwenyeji wa Mashindano ya Olimpiki 2020.

 "Tokyo , kwa mtazamo wa wanachama wa IOC, katika hali hii tete ya dunia, inaangaliwa kama mahala salama,kwa kuzingatiwa pia desturi fulani za kutoa maombi. Wameboresha tena maombi yaao tangu walipoyatuma. Wanadhaamini utulivu upande wa fedha na pia upande wa kisiasa.Nnaamini hoja zote hizo zimechangia kuiona hatimae Tokyo ikiangaliwa kama mahala tulivu na salama kuliko kote kwengine."

Waziri Mkuu wa Japan Shinzo Abe.

Waziri Mkuu wa Japan Shinzo Abe alijihusisha moja kwa moja katika juhudi za kuufanya mji wa Tokyo kuwa mwenyeji wa mashindano hayo ya Olimpiki, na sasa anafahamu kibarua kilichopo cha kujiandaa kikamilifu kwa tamasha hilo. Abe amesema "Tungependa kuwashukuru wale wote waliouunga mkono mji huu. Wacha nimsalimu kila mtu aliyefanya juu chini katika kinyang'anyiro hiki, kama vile Uhispania na Uturuki.

 Kimekuwa kinyang'anyiro kirefu na kigumu na ningependa kuwapongeza wanamichezo wote pamoja na Gavana wa Tokyo na wanariadha, kwa kusaidia katika juhudi za kuandaa Michezo ya Olimpiki. Bila juhudi zao hatungelishinda ombi hili. Sasa, kazi halisi inaanza. Tutaanza maandalizi, kwa Michezo ya Olimpiki na Olimpiki ya walemavu jijini Tokyo 2020 ili iwe yenye mafanikio".

kama wewe ni mpenzi wa mchezo wa mieleka, au kama wewe ni mwanamieleka, basi una sababu ya kuanza kujiandaa, kwa sababu mchezo huo umeongezwa katika orodha ya michezo itakayoshirikishwa katika mashindano ya Olimpiki mwkaa wa 2020 na 2024. Mchezo wa Mieleka ulipigiwa kura na kuishinda michezo ya baseball na squash baada ya mchezo huo wa jadi kufanyiwa mageuzi makubwa tangu ulipoondolewa kwa muda mwezi Februari. Mchezo wa mieleka ulipata kura 49 miongoni mwa wanachama 95 wa Kamati ya Kimataifa ya Ompiki – IOC.

 Nenad Lalovic

Rais wa Kamati ya Maamuzi katika spoti FILA, Nenad Lalovic amesema mieleka siyo mchezo mpya, lakini mara hii wanaleta aina mpya ya mieleka. Kwamba wamejaribu kuuimarisha mchezo huo na kuufanya kuwa wa kuburudisha na kuwasisimua zaidi mashabiki. Kamati ya Michezo ya Olimpiki iliongeza Rugby na Gofu kwenye mashindano ya mwak wa 2016 mjini Rio. Michezo hiyo pamoja na Mieleka sasa inafikisha 28 jumla ya michezo katika mashindano ya Olimpiki.