HAMKANI SI SHWARI VIWANJANI MBELE

Na  Jeshi la polisi  nchini BRAZILI  limeendelea na kibarua kizito cha kulitawanya kundi la waandamanaji waliokua wakielekea katika uwanja uliopo kusini mashariki mwa jiji la FORTALEZA kwa ajili ya kuzuai mechi hiyo isifanyike kati ya SPAIN na ITALY.

Waandamanaji hao  zaidi ya 5000  walikua wanakaribia kabisa katika uwanja wa CASTELAO dakika chache kabla ya mchezo wa kombe la shirikisho kuanza   hata hivyo baada ya kuzuiwa na jeshi la polisi walianza kuchoma magari yanayomilikiwa na serikali nchini humo pamoja na kufanya vurugu huku wakiipinga serikali yao kwa kuwekeza pesa nyingi katika maandalizi ya kombe la dunia ili hali nchi yao inakabiliwa na ukosefu wa elimu bora pamoja na afya.

Mwandishi wa habari kutoka kituo cha televisheni cha SKY NEWS alikuwepo katika kadhia hiyo.

Pamoja na vurugu hizo kutokea lakini  mchezo ulipigwa kati ya SPAIN na ITALY  ambapo mpaka dakika ya 90 timu hizo zilitoshana nguvu na hata baada ya dakika za nyongeza lakini hali ilibadilika mara baada ya timu hizo kuanza  mikwaju ya penalty na hatimaye ITALY ilijikuta ikitupwa nje baada ya kufungwa na SPAIN kwa mikwaju ya penalty 7 kwa 6