MPIRA PESA BWANAAA!!!

 

MOJA YA NYAKATI AMBAZO HUNGOJEWA KWA HAMU NA MASHABIKI NI WAKATI AMBAPO DIRISHA LA USAJILI WA WACHEZAJI HUFUNGULIWA . HIKI NI KIPINDI AMBACHO MASHABIKI  HUJAWA NA MSISIMKO MKUBWA WA KUONA TIMU ZAO ZIKISAJILI MAJEMBE AMBAYO YATAKUJA KUONGEZA NGUVU KWENYE KIKOSI CHA TIMU HUSIKA .

LEO HII REAL MADRID WANATAJWA KUANDAA DAU LA PAUNDI MILIONI 85 KWA AJILI YA GARETH BALE LAKINI MADAU HAYA YAMETOKA MBALI TANGU ENZI AMBAZO BEI YA MCHEZAJI ILIKUWA SAWA NA BEI YA TIKETI KUANGALIA MCHEZO MMOJA .

MCHEZAJI WA KWANZA KUNUNULIWA KWA BEI YA TARAKIMU TATU ALIKUWA MSCOTLAND WILLIE GROVES AMBAYE ALISAJILIWA TOKA WEST BROWICH ALBION KWENDA ASTON VILLA KWA PAUNDI MIA MOJA TU .

MIAKA KUMI NA MOJA BAADA YA HAPO ANDY MCOMBIE ALIVUNJA REKODI YA WILLIE AKISAJILIWA NA NEWCASTLE UNITED TOKA SUNDERLAND KWA PAUNDI MIA SABA AMBAYO  HII LEO HAIFIKII TIKETI YA MSIMU MZIMA KWENYE UWANJA WA ARSENAL THE EMIRATES.

MMOJA BAADA YA HAPO SUNDERLAND WALITENGENEZA FEDHA KWA KUWEKA REKODI YA KUMUUZA MCHEZAJI MWINGINE AMBAYE ALIKUWA ALF COMMON AMBAYE KAMA ILIVYOKUWA KWA ANDY ALIKWENDA KWA MAHASIMU WA JADI WA KLABU HIYO MIDDLESBOROUGH KWA ADA YA UHAMISHO YA PAUNDI ELFU MOJA .

LUIS SUAREZ ALIKUWA MCHEZAJI WA KWANZA KATIKA HISTORIA YA MCHEZO HUU KUUZWA KWA ADA AMBAYO ILIKUWA NA TARAKIMU SITA NDANI YAKE . HAKUWA LUIS SUAREZ HUYU AMBAYE ANATAKA KWENDA ARSENAL KUTOKA LIVERPOOL BALI ALIKUWA LUIS SUAREZ TOKA BARCELONA AMBAYE ALISAJILIWA NA INTER MILAN KWA PAUNDI LAKI MOJA NA LEFU HAMSINI NA MBILI , HUO ULIKUWA MWAKA 1961.

MARA YA KWANZA KWA ULIMWENGU WA SOKA KUSIKIA MILIONI IKITUMIKA KUMSAJILI MCHEZAJI ILIKUWA MWAKA 1975 WAKATI GIUSEPE SALVODI ALIPOTOKA BOLOGNA KWENDA NAPOLI KWA PAUNDI MILIONI MOJA NA LAKI MBILI , NA HAPA NDIPO MAPINDUZI YA SOKO LA WACHEZAJI YALIPOANZIA .

MIAKA 30 BAADAYE JEAN PIERRE PAPIN ALIKUWA MCHEZAJI WA KWANZA KUSAJILIWA KWA ADA AMBAYO NAMBARI ZAKE ZILIZIDI KUONGEZEKA . MFARANSA HUYU ALISAJILIWA KWA PAUNDI MILIONI KUMI TOKA OLYMPIQUE MARSEILE KWENDA AC MILAN .

HADI LEO REKODI YA USAJILI WA WACHEZAJI KWA FEDHA NYINGI IMEVUNJWA MARA 41 HUKU KLABU YA REAL MADRID IKIONGOZA KWA KUVUNJA REKODI YAKE YENYEWE MARA NNE TOFAUTI KWENYE USAJILI WA LUIS FIGO , ZINEDINE ZIDANE , RICARDO KAKA NA CRISTIANO RONALDO  NA USISHANGAE KUSIKIA GARETH BALE AKIONGEZEKA KWENYE ORODHA HII.

NCHI YA ITALIA INAONGOZA KWA KUWA NA REKODI NYINGI ZA KUNUNUA NA KUUZA WACHEZAJI AMBAPO HADI SASA IMESHUHUDIA REKODI 13 ZA MAUZO NA REKODI 18 ZA MANUNUZI IKIFUATIWA NA ENGLAND AMBAYO IMESHUHUDIA WACHEZAJI NANE WAKIUZWA TOKA KWENYE KLABU ZA ENGLAND NA KUWEKA REKODI HUKU IKIWA NA WACHEZAJI SITA WALIONUNULIWA KWA BEI ZILIZOWEKA REKODI  NA HISPANIA WANASHIKA NAFASI YA TATU WAKIWA NA REKODI NNE ZA KUUZA NA REKODI SABA ZA KUNUNUA .

HILO NDIO SOKO LA WACHEZAJI AMBALO LILIANZIA KWA BEI CHEE YA PAUNDI MIA MOJA AMBAYO NDANI YA SIKU CHACHE  ZIJAZO AU PENGINE MIAKA MICHACHE IJAYO TUNATARAJIA KUIONA IKIONGEZEKA MARADUFU NA KUFIKIA PAUNDI MILIONI MIA MOJA.