RAIS BARACK OBAMA APATA MAPOKEZI YA KISHINDO JIJINI DAR ES SALAAM.

Rais Barack Obama wa Marekani ,leo hii atakamilisha ziara yake ya mataifa matatu  barani Afrika.

Maelfu ya wakazi wa jiji la Dar es salaam wamelitokeza katika maeneo mbalimbali na kusimama pembezoni mwa barabara wakimlaki Rais wa 44 wa Marekani Barak Obama, ambaye anafanya ziara yake ya kiserikali ya siku mbili hapa nchini.

Miwshoni mwa juma alikuwako Afrika Kusini ambapo alitowa heshima zake kwa rais wa zamani wa nchi hiyo Nelson Mandela anayeuguwa.Kiongozi huyo aliyepambana na utawala wa ubaguzi wa rangi yuko mahtuti hospitalini baada ya kulazwa wiki tatu zilizopita kutokana na matatizo ya maambukizi ya mapafu. Akihutubia umati katika Chuo 

Kikuu cha Cape Town hapo jana Obama alipongeza haiba ya Mandela na kutowa wito kwa vijana kusonga mbele na hatua za maendeleo barani Afrika.Rais pia alizinduwa mpango wa dola bilioni saba kuongeza upatikanaji wa huduma za umeme kwa mataifa sita ya Afrika yakiwemo Tanzania,Kenya,Ethiopia, Liberia na Nigeria.