VIWANJANI ALFAJIRI YA LEO

1.Dirisha la usajili wa wachezaji barani ulaya limefunguliwa rasmi hapo jana ambapo klabu mbalimbali ziko huru kufanya usajili wa wachezajiilikuimarisha vikosi vyake . Klabuya Tottenham Hotspurs tayari imethibitisha kumsajili kiungo aliyeng'aa kwenye michuano ya kombe la mabara Paulinho ambapo klabu hiyo imeilipa Corinthians paundi milioni 17 kwa ajili ya kiungo huyo . Kocha wa Spurs Andre Villas Boas sasa atahamishia nguvu zake kwenye harakati za kusajili mshambuliaji ambapo Spurs inawatazama Roberto Soldado wa Valencia na David Villa wa Barcelona kama chaguo la kwanza na la pili huku mshambuliaji Emmanuel Adebayor akiwa njiani kuihama Spurs ili kuacha nafasi itakayochukuliwa na mmoja kati ya washambuliaji hao toka Hispania.

2.Wakati hayo yakiendelea kocha mpya wa Bayern Munich ambaye ameanza kazi hivi karibuni Pep Guardiola amemruhusu mshambuliaji Mario Gomez kuondoka kwenye klabu hiyo baada ya kuweka wazi kuwa hayuko kwenye mipango yake . Gomez huenda akasajiliwa na klabu ya Fiorentina ambayo imekuwa ikimuwinda .

3.MICHUANO YA TENIS  YA WIMBLEDON IMEENDELEZA HISTORIA YAKE YA AJABU YA KUSHUHUDIA WACHEZAJI NYOTA WAKITOLEWA MAPEMA BAADA YA HAPO JANA MCHEZAJI ANAYESHIKA NAFASI YA KWANZA KWA WANAWAKE SERENA WILLIAMS KUTOLEWA NA SABINE LISKI WA UJERUMANI. WIMBLEDON YA MWAKA HUU TAYARI IMESHUHUDIA MAJINA MAKUBWA KAMA MARIA SHARAPOVA , CAROLINE WOZNIACKI,ROGER FEDERER NA RAFAEL NADAL WAKITOLEWA MAPEMA WAKIWAACHA ANDY MURRAY ,DAVID FERRER NA NOVAK DJOKOVIC WAKIWA NYOTA PEKEE WALIOBAKI KWENYE MICHUANO HIYO .