SOGA

moja ya hoja ambazo huleta mabishano makubwa kwenye vijiwe vya mchezo wa soka ni ubora wa ligi barani ulaya , huu ni ubishi ambao haujawahi kupata ufumbuzi na umekuwa ukiendelea miaka nenda rudi na hakuna dalili yoyote ya kuisha kwa ubishi huu .

inawezekana ikawa vigumu kutambua ubora halisi wa ligi hasa kwenye kiwango , matokeo na mafanikio lakini linapokuja suala la biashara na kutengeneza mapato kutokana na mchezo wa mpira wa miguu hakuna shaka yoyote kuwa ligi kuu ya england inaongoza na wengine wanafuatia .

msimu uliopita bingwa wa ligi ya england ambaye alikuwa manchester united alitengeneza jumla ya paundi milioni 60 kutokana na mapato yatokananyo na mkataba mnono wa televisheni , kama hiyo haitoshi timu iliyoshika mkia ambayo ilikuwa queens park rangers pamoja na kushuka daraja iliondoka kwenye ligi kuu na kifuta jasho cha paundi milioni 30 chanzo kikiwa kile kile fedha za haki za matangazo ya moja kwa moja kwenye televisheni .

kama unadhani fedha hizo zilikuwa nyingi basi fungua masikio vizuri na usikilize kinachofuatia …. kampuni ya ligi kuu ya england imesaini mkataba mpya wa haki za matangazo ya televisheni ambao thamani yake ni paundi bilioni 5.5 , hizi ni fedha nyingi sana na wale usitake tuanze kusumbuana na vikokotozi tukijaribu kung’amua kiasi cha fedha hizi kwa kufananisha na fedha yetu ya madafu .

matokeo ya mkataba huu mpya ni kwamba bingwa wa ligi ya england kwa msimu tunaoungojea utakaoanza agosti 13 atavuna karibu paundi milioni mia moja huku yule atakayeshika mkia akilamba karibu paundi milioni 60 , fedha , fedha ,fedha zaidi .

kama umefuatilia kwa karibu purukushani za usajili zinazoendelea hivi sasa utagundua kuwa ligi ya england imekuwa kivutio kikubwa. pamoja na na nyota kama thiago alcantarra na gonzalo higuain kuzitolea nje manchester united na arsenal bado ligi hii imeweza kuwavuta wafungaji wawili bora wa ligi ya uholanzi wilfred bony na jozy altidore , tumeshuhudia mchezaji mwenye uzoefu wa timu ya taifa ya italia emanuele giacherini naye akitafuta makazi huko kaskazini mashariki na kipa aliyeiongoza uholanzi 

kucheza fainali ya mwisho ya kombe la dunia marten stekelenburg naye akihamia london , hawa ni wachache kwenye orodha ndefu ambayo pia imewashuhudia wachezaji wawili bora wa sevilla pamoja na fiorentina wakivutwa kwenye visiwa vya malkia .

timu kama west ham united imekuwa na msuli wa kupata jeuri ya kujaribu kumnunua striker mwenye ubora wa kiwango cha juu kama pablo daniel osvaldo huku pia wakijaribu kumvuta alvaro negredo wote hawa bila mafanikio , jiulize wamepata wapi uthubutu huu , jibu ni moja mambo ya fedha .

mikataba ya televisheni imenufaisha sana timu za ligi kuu ya england kuanzia zile za juu mpaka za daraja la kati na zile za madaraja ya chini . na ndio maana msimu huu kumekuwa na rekodi za vilabu saba tofauti za usajili zimevunjwaq na hakuna timu ambayo imelazimika kwenda kusajili mchezaji toka ligi daraja la kwanza ukaichilia mbali manchester united waliomchukua wilfred zaha katikati ya msimu uliopita .

fedha inaongea na inaongea kwa sauti ya juu hali ya kuvifanya vilabu vya england kuwa na jeuri kubwa ya fedha na jeuri hii inaongezeka siku hadi siku .