SOGA SOGAYO

wahenga wa kizungu wana msemo usemao hivi . be careful of what you wish for , maana yake ni kwamba unapaswa kuwa makini kwa kile unachotamani kukipata , wakati mwingine kinaweza kisiwe na manufaa unayofikiri au kutarajia , klabu ya real madrid imezoeleka kama klabu ya kifalme ambayo moja ya sera zake kwa miaka yake yote imekuwa kusajili wachezaji nyota wenye hadhi ya kuchezea klabu hiyo , wakati rais wa sasa florentino perez alipoingia madarakani aliendeleza sera hii kwa muundo mpya wa galacticoz . sera hii imeshuhuda nyota kama luis figo , zinedine zidane , ronaldo de lima , ricardo kaka na hata cristiano ronaldo . kama mipango ingeenda vyema huenda jina la neymar lingeongezeka kwenye orodha hii , lakini pamoja na kutoa ofa kubwa kuliko wapinzani fc barcelona neymar mwenye alipendezwa kuchezea barca na akaitolea nje los merengues .

kutolewa nje na neymar kulimfanya rais florentino perez kujawa na hasira na kuhamishia dhamira yake kwa jina moja la mchezaji aliyeiwasha moto vilivyo ligi kuu ya england msimu uliopita , huyu si mwingine bali ni gareth  frank  bale .

bale ambaye alianza maisha yake ya soka kama beki wa kushoto amekuwa akibadilshwa nafasi mara kadhaa , kwa muda alikuwa amezoeleka kama winga lakini msimu uliopita alichezeshwa nyuma ya mshambuliaji , yalikuwa maamuzi ya kiunfundi ambayo yaliinufaisha tottenham na kuboresha kiwango cha mchezaji mwenyewe maradufu hali iliyovifanya vilabu kama real madrid kumtolea macho .

tukirudi kwenye uhalisia wa maisha ndani ya real madrid swali la kujiuliza ni moja , ni nani anataka kumsajili bale , je ni kocha mtaliano carlo ancelotti au ni rais florentino perez ambaye mara zote amekuwa mstari wa mbele kusajili nyota walioko moyoni mwake . mahitaji ya kifundi na mahitaji ya kibiashara kwenye timu moja ni vitu viwili tofauti  , kocha carlo ancelotti amezungumza kuwa anataka kumchezesha mchezaji nyota wa real madrid cristiano ronaldo kwenye nafasi ambayo atakuwa karibu na lango la timu pinzani  tofauti na nafasi ya kushambulia toka pembeni ili awe na madhara zaidi , ni nafasi hii hii ambayo gareth bale aling’aa akiwa na totenham msimu uliopita .

tayari msimu huu madrid imesajili nyota kama isco  ambaye kama ronaldo na bale hushambulia akitokea pembezoni mwa uwanja  na bado timu hii ina mshambuliaji ambaye anatarajiwa kupambana kupata nafsi kwneye kikosi cha kwanza ambaye ni karim benzema huku kukiwa na viungo washambuliaji kama mesut ozil na wengineo , usajili wa bale hakika utaleta changamoto kubwa ya nafasi kama sio mvuragano ambao badala ya kunufaisha madrid huenda ukaharibu mambo ,

suala la biashara ya jezi limezungumzwa kama moja ya sababu za perez kuhangaika sana kupata sahihi ya gareth bale ili auze jezi kutokana na umaarufu wake .

tayari real imetoa ofa ya paundi milioni 85 kwa ajili ya gareth bale ambaye moyoni mwake ameridhia kujiunga na klabu hiyo kizingiti pekee cha kumzuia asijiunge ni mfanyabiashara mwenye historia ya usugu kwenye mazungumzo ambaye ni mwenyekiti daniel levy .

ujio wa bale  ambao tuna angalau asilimia 75 ya uhakika wa kutokea kwake  utakuwa mbaraka kwa real madrid au utakuwa laana ya galactico ambayo itaendelea kutafuna mipango ya kibiashara inayoingiliana na mipango ya kiufundi , tusubiri kupata jibu la swali hili