SHEHENA YA PEMBE ZA NDOVU YA MOMBASA NI ZAIDI YA TANI 3

 

Maafisa wa polisi wa Kenya wakikagua shehena ya pembe za ndovu zilizokamatwa kwenye bandari ya Mombasa siku ya Jumatatu (tarehe 8 Julai). Pembe hizo zilinaswa kwenye kontena moja lenye urefu wa futi 20 lililokuwa likisubiri kusafirishwa kwenda 

 

Maafisa wa forodha wa Kenya siku ya Jumanne (tarehe 9 Julai) walitoa taarifa za kina za shehena haramu ya pembe za ndovu iliyokamatwa kwenye bandari ya Mombasa, inayokisiwa kuwa tani 3.2, moja ya shehena kubwa kabisa katika historia ya siku za karibuni.

Odinga aomba msaada wa kimataifa kupambana na majangiliPolisi wa Kenya wamsaka mtuhumiwa kuhusiana na mlipuko wa NairobiNairobi kuweka kamera za uchunguzi ifikapo mwezi JanuariMaafisa wa Kenya wanasa tani 2 za pembe za ndovu kwenye bandari ya Mombasa   "Pembe hizo zina uzito wa kilo 3,287.2 zikiwemo nzima 382 na vipande 62," alisema msemaji wa Huduma ya Wanyamapori Kenya (KWS) mjini Mombasa, Paul Mbugua, kwa mujibu wa Capital FM ya Kenya.

Mbugua alisema hakuweza kukisia thamani ya mzigo huo kwa sababu hakuna bei maalum ya pembe za ndovu kwenye soko la magendo.

Pembe nyengine zilikuwa na uzito wa takribani kilo 60, zikiwa zimetokana na wale wanaoitwa "tembo wakubwa", alisema afisa wa forodha Fatuma Yussuf, kwa mujibu wa shirika la habari la AFP.

Shehena nyengine ya tani 1.5 ya pembe za ndovu, ambayo pia ilikuwa isafirishwe kwenda Malaysia, ilinaswa mjini Mombasa wiki iliyopita, na kuchochea onyo kutoka kwa Shirika la Kimataifa la Biashara ya Viumbe Walio Hatarini (CITES). Nchi sita za Afrika pia zilipokea onyo kutoka CITES kuongeza hali ya hadhari dhidi ya magendo kwenye bandari zake.