BRANDTS KOCHA WA YANGA :NIMECHANGANYIKIWA.....AFUNGUKA

Kocha Ernie Brandts

ALIYEKUWA Kocha Mkuu wa Yanga, Ernie Brandts amesema kiasi fulani hafurahii na inamchanganya kuona amefukuzwa kazi na anaendelea kubaki nchini.

Akizungumza jijini Dar es Salaam, Brandts amesema inamuwia vigumu kuona anaendelea kubaki jijini Dar es Salaam.

“Wangeweza kunipa malipo yangu ili niende mapema. Wachezaji wanajua mimi nimefukuzwa Yanga, lakini vipi leo naendelea kufanya nao kazi.

“Ningependa nimalizane vizuri na uongozi wa Yanga na Wanayanga wote ili niondoke kwa amani na si mizozo,” alisema.

Kocha huyo raia wa Uholanzi ametupiwa virago vyake mara baada ya timu yake kufungwa kwa mabao 3-1 na watani wao Simba katika mechi ya kirafiki ya Nani Mtani Jembe.