FIFA YAMRUHUSU OKWI KUJIUNGA NA YANGA

Mkurugenzi wa mashindano wa

chama cha soka cha Uganda

Decolas Kiiza, amethibitisha

kwamba shirikisho la soka duniani

FIFA limeridhia usajili wa

mshambuliaji Emmanuel Okwi

kujiunga na klabu ya Yanga.

“Ndio tuliandika barua FIFA na

wametujibu kwamba mchezaji

yupo huru kwa kusajiliwa na timu

yoyote,"Kiiza alisema.

Mapema wiki hii CEO wa FUFA,

Edgar Watson, alisema kwamba

waliwasiliana na FIFA ili kupata

maelezo juu ya uhalali wa usajili

wa Okwi.

Yanga walikamilisha usajili wa

Okwi mapema wiki hii kwa

mkataba wa miaka miwili na huku

ikiwa bado aliruhusiwa na FIFA

kujiunga na SC Villa kwa muda

maalum akitokea Etoile du Sahel.

Okwi tayari amewasili nchini

akitokea Uganda kuja kujiunga na

klabu ya Yanga mapema leo

mchana.

Allan Papaok, mkurugenzi wa

kampuni ambayo inashughulikia

haki za Okwi, alisema leo kwamba

bado hawajakamilisha usajili wa

Okwi na YANGA.

“Tutasafiri kwenda Dar es salaam

wikiendi hii kwa ajili ya

kukamilisha usajili huu," aliongeza

bwana Allan Papaok.

Hata hivyo maofisa wengi wa

chama cha soka cha Uganda

wanashangaa ni namna gani FIFA

inaweza kumruhusu Okwi kujiunga

na Yanga, wakati akiwa

ameruhusiwa kujiunga na SC Villa

kwa muda maalum kutoka Etoile

du Sahel, ambao walikuwa na

matatizo na Okwi.