LIGI YA MABINGWA BARANI ULAYA

USIKU WA ULAYA UMEWADIA KWA MARA NYINGINE AMBAPO MASHABIKI WA SOKA DUNIANI WATAPATA FURSA YA KUTAZAMA LADHA HALISI YA MICHUANO MIKUBWA KULIKO YOTE  KWA NGAZI YA VILABU .

MICHEZO KADHAA ITAPIGWA KWENYE VIWANJA TOFAUTI AMBAPO TIMU TOKA MAKUNDI A MPAKA D ZITAKUWA ZIKITOANA JASHO KUWANIA NAFASI YA KUFUZU KWENYE HATUA YA 16 BORA .

KUTOKANA NA MATOKEO YA MICHEZO ILIYOPITA TIMU KADHAA ZINA NAFASI YA KUKATA TIKETI YA KUELEKEA HATUA YA PILI ENDAPO ZITAPATA MATOKEO MAZURI HII LEO .

TUKIANZA KWA KUTAZAMA KUNDI B , MABINGWA WA KIHISTORIA WA MICHUANO REAL MADRID WATAJIHAKIKISHIA NAFASI YA 16 BORA ENDAPO WATAIFUNGA JUVENTUS KWA IDADI YOYOTE ILE YA MABAO .

 SI USHINDI TU UTAKAOWAVUSHA MADRID BALI HATA SARE INATOSHA KUWAPELEKA HATUA INAYOFUATA ILI MRADI SARE HIYO IAMBATANE NA FC COPENHAGEN KUSHINDWA KUPATA USHINDI KWENYE MCHEZO DHIDI YA GALATASARAY.

MABINGWA WA UFARANSA PARIS ST GERMAIN WANA JUKUMU JEPESI MIKONONI MWAO WAKATI WATAKAPOKUWA WAKICHEZA NA RSC ANDERLETCH . PSG WANAHITAJI USHINDI WOWOTE ULE ILI KWENDA 16 BORA HUKU ZIKIWA ZIMESALIA RAUNDI MBILI ZA MECHI.

KUNDI D LINAWEZA KUMALIZA SHUGHULI YAKE USIKU WA LEO PIA ENDAPO VINARA WA KUNDI HILO MABINGWA WATETEZI BAYERN MUNCHEN PAMOJA NA MANCHESTER CITY WATAPATA USHINDI KWANI VIKTORIA PLZEN NA CSKA MOSCOW WAMEJICHIMBIA KWENYE UVUNGU WA KUNDI HILO NA HAWANA MATUMAINI YA KUFUZU HATUA INAYOFUATA .

WAWAKILISHI TOKA HISPANIA ATLETICO MADRID WATAJIHAKIKISHIA NAFASI KWENYE  16 BORA ENDAPO WATAWAFUNGA AUSTRIA VIENNA .

VIJANA HAO TOKA VICENTE CALDERON KATIKATI MWA JIJI LA MADRID WANAWEZA KUFUZU  PIA BILA HATA YA KUPATA USHINDI KWANI WANAWEZA KUSONGA MBELE KWA MATOKEO YA SARE YATAKAYOAMBATANA NA FC PORTO KUSHINDWA KUPATA POINTI TATU DHIDI YA ZENITH ST PETERSBURG .

TIMU YA MWISHO KWENYE ORODHA HII NI FC BARCELONA AMBAO WATAFUZU ENDAPO WATASHINDA MCHEZO DHIDI YA AC MILAN .

KWA UJUMLA RATIBA YA MICHUANO HII AMBAYO KWA USIKU HUU INAINGIA KWENYE DURU YAKE YA NNE YA MICHEZO YA HATUA YA MAKUNDI INAONYESHA KUWA KUNDI A LITASHUHUDIA MICHEZO KATI YA REAL SOCIEDAD NA MANCHESTER UNITED PAMOJA NA SHAKHTAR DONETSK DHIDI YA BAYER LEVERKUSEN.

 KWENYE KUNDI B FC COPENHAGEN WATAKUWA WENYEJI WA GALATASARAY HUKU JUVENTUS WAKIWA NYUMBANI KUCHEZA NA REAL MADRID .

KUNDI C OLIMPIAKOS WATACHEZA NA BENFICA HUKU PSG WAKIWA NYUMBANI KUCHEZA NA ANDERLETCH .

MANCHESTER CITY WATAKUWA ETIHAD KUONYESHA KAZI NA CSKA MOSCOW HUKU VIKTORIA PLZEN WAKIWAKARIBISHA BAYERN MUNICH .