NAIBU WAZIRI WA UCHUKUZI DK. CHARLES TIZEBA AENDELEA NA ZIARA YAKE MKOANI DODOMA KATIKA DARAJA LA RELI LA BAHI-KINTINKU

Naibu Waziri wa Wizara ya Uchukuzi, Dk. Charles Tizeba (wa tatu kutoka kulia), akiongea na fundi ambaye anafanya shughuli za ujenzi katika Daraja la Reli la Bahi-Kintinku. Dk. Charles Tizeba amefanya ziara kwenye daraja  hilo na kupata taaarifa kuwa limekamilika kwa asilimia 98.  Aidha daraja hilo limegharimu kiasi cha Shilingi Bilioni 3.5.

 

Naibu Waziri wa Wizara ya Uchukuzi, Dk. Charles Tizeba (wa pili kutoka mbele), akishuka chini ya daraja la bahi-kintinku kuangalia maendeleo ya ujenzi wake. Daraja hilo linajengwa na Kampuni ya China Civil Engineering Construction Corporation(CCECC). Kukamilika kwa daraja hilo kutasababisha Treni za abiria na mizigo kupita kwa uhakika majira yote ya mwaka.

Naibu Waziri wa Wizara ya Uchukuzi, Dk. Charles Tizeba, akitoa maelekezo kwa Mhandisi Mkazi wa mradi  kutoka kampuni ya China Civil Engineering Construction Corporation(CCECC), Bw. Wang Chao(aliyevaa fulana ya rangi ya karoti), wakati alipotembelea mradi huo mapema wiki hii. Ujenzi wa daraja hilo umekamilika kwa asilimia 98 na litakabidhiwa kwa Serikali mapema tarehe 28 Novemba 2013.

Muonekano wa daraja la reli linalojengwa na kampuni ya China Civil Engineering Construction Corporation(CCECC) katika eneo la Bahi mkoani Dodoma. Kukamilika kwa daraja hilo kutawezesha treni ya reli ya kati kupita kwa majira yote ya Mwaka. Aidha daraja hilo limekamilika kwa asilimia 98.

Mafundi wakiendelea na ukamlilishaji wa daraja la Reli la Bahi-kintinku kama walivyokutwa mapema wiki hii katika eneo la bahi mkoani Dodoma. Daraja hilo ambalo lina tani 32 litawezesha treni la Abiria na mizigo kupita kwa majira yote kwa uhakika.